आयकर विभागाकडून छापा उद्योजक व व्यापाऱ्यांची उडाली झोप

आयकर विभागाकडून छापा उद्योजक व व्यापाऱ्यांची उडाली झोप

बेळगाव : शहरातील उद्योजक व व्यापाऱ्यावर आयकर विभागाने छापा टाकला असून अनेकांची पहाटेची झोप उडाली आहे. मंगळवारी पहाटेपासून बेळगावमधील काही उद्योजक आणि व्यावसायिकांच्या घरांवर आणि कार्यालयांवर आयकर विभागाने छापे टाकले आहेत. एकाच वेळी करण्यात आलेल्या या कारवाईमुळे उद्योजक वर्तुळाची झोप उडाली आहे., बेहिशोबी मालमत्ता जमा केलेल्या काही मंडळींना याचा दणका बसला असल्याचे बोलले जात आहे.

यामध्ये अशोक आयर्नचे मालक अशोक हुंबरवाडी, विनोद दोडुण्णावर, पुष्पदंत दोडुण्णावर, कॅम्प परिसरातील व्यापारी अजित पटेल यांच्या घरांवर आणि कार्यालयांवर छापे टाकून बेहिशेबी मालमत्ता आणि कागदपत्रांची तपासणी सुरू आहे.

बेळगाव कॅम्प आणि टिळकवाडी पोलीस स्थानकाच्या हद्दीत पहाटे सुमारास ही कारवाई करण्यात आली. बेळगावसह बेंगळुरू, गोवा आणि धारवाड येथेही आयकर विभागाच्या पथकाने दिग्गज उद्योजकांच्या घर आणि कार्यालयावर छापे घातले आहेत.