विविध मागण्यासाठी कामगार आयुक्तांना कामगारांचे निवेदन

विविध मागण्यासाठी कामगार आयुक्तांना कामगारांचे  निवेदन

बेळगाव, ता. १३ : बांधकाम कामगार संघटना व 'मजदूर नवनिर्माण संघाच्या' वतीने कामगार, विद्यार्थी तसेच रोजगार (मनरेगा) कामगारांचे  कामगार आयुक्तांनाच्या कार्यालयासमोर दोन तास ठिय्या आंदोलन. दरम्यान आयुक्तांना निवेदन देण्यात आले.

बांधकाम कामगारांच्या मुला-मुलींना कामगार कल्याण मंडलातर्फे शिष्यवृत्ती मागिल दोन वर्षापासून मिळालेली नाही. त्यात वाढ करण्याऐवजी असलेल्या शिष्यवृत्तीमध्ये अन्यायपूर्वक ७५% ने कपात केलेली आहे. सरकाराच्या या आदेशाविरूध्द   कामगारांनी व विद्यार्थ्यांनी शुक्रवारी ( ता. १२) कामगार खात्याच्या कार्यालयासमोर आंदोलन केले.


रोहियो कामगारांना २०१३ ते २०११९ पर्यंत लेबर कार्ड ची सुविधा मिळत होती. मात्र त्यानंतर रोहीयो कामगारांना ही सुविधा बंद केली आहे. ती सुविधा या कष्टकरी महिलांसाठी पुन्हा चालू करावी.
२०२३ साली कॉलेजच्या विद्यार्थ्यांना लॕपटाॕप देऊ असे कामगार मंडळाने जाहीर केले होते. ते अजूनही विद्यार्थ्यांना मिळालेले नाहीत. सरकारने पाच वर्षापूर्वी घोषित केल्याप्रमाणे कामगारांना घर बांधण्यासाठी 5 लाखची रक्कम कोणासही मिळाली नाही. तसेच लग्नासंदर्भात सहाय्यधन, लेबर कार्ड रिनिव्हल केल्यावर कित्येक कामगारांचे कार्ड रिजेक्ट होत आहेत. यासह अन्य तक्रारींचा पाढा अधिकाऱ्यांसमोर वाचला.

अशा सर्व तक्रारीचे निवेदन ॲड एन.आर. लातूर, राहुल पाटील यांच्या मार्गदर्शनाखाली विठ्ठल देसाई, शोभा कुंडेकर यांच्या सहकार्याने बांधकाम कामगार संघटना आणि 'मजदूर नवनिर्माण संघाच्या' वतीने सहाय्यक  कामगार आयुक्त  डी.जी नागेश यांना देण्यात आले. 

यावेळी वनिता तारीहाळकर, कावेरी सांबरेकर, निता अवचारी, सुनिता पाटील, निता अष्टेकर, रिना सांबरेकर, गिरीजा पाटील, अनिता सांबरेकर, तनुजा पाटील, सविता देसाई, मंजुळा गुरव, ज्योती खेमनाळकर, लक्ष्मी बेडरे, रेणूका हट्टीकर, विद्या घाडी, अरूणा धामणेकर, लक्ष्मी हट्टीकर, शालन धामणेकर, मयुरी कुगजी, रेखा पाटील, रंजना पोटे, शोभा चौगुले, मालन हलगेकर, रेखा चौगुले, सुलोचना चौगुले, रेणूका हलगेकर, मिनाबाई कुंडेकर, रत्ना पुजारी, लक्ष्मी कुंडेकर, यल्लूबाई बस्तवाडकर, माधूरी धामणेकर, सुरेखा कुगजी या रोजगाराच्या महिला आपल्या गटप्रमुखांसह उपस्थित होत्या