अनाथ वृद्धाच्या पार्थिवाचे समाजसेविका माधुरी जाधव-पाटीलकडून अंत्यसंस्कार
बेळगव, ता. १४ : गेल्या काही महिन्यापासून खासबाग येथील निराधार केंद्रामध्ये अशोक बिडीकर (वय 60, मूळ गाव इचलकरंजी) हे वृद्ध राहात होते. त्यांचे आजाराने पिडीत होते. यामुळे त्यांच्यावर गेल्या काही दिवसापासून सरकारी रुग्णालयात उपचार सुरू होते. मात्र, उपचाराचा उपयोग झाला नाही. परिणामी त्यांचा मृत्यू झाला.
ही माहिती निराधार केंद्रातील संयोजक रावसाब शिरहट्टी यांनी समाजसेविका माधुरी जाधव यांना कळविली. यानंतर माधुरी जाधव यांनी सदाशिवनगर येथील स्मशानभूमी मध्ये मृत वृध्दाच्या अंत्यसंस्काराची व्यवस्था करून स्वतः अशोक यांच्या पार्थिवावर अंत्यसंस्कार केले आणि माणुसकी जपली.
अशोक हे प्राईम ग्रुप या ठिकाणी सुरक्षा रक्षक म्हणून काम करत होते. यावेळी कंपनीचे मालक संकेत पाचुपते आणि निराधार केंद्रातील सदस्य उपस्थित होते.
टिप्पणी पोस्ट करा
0 टिप्पण्या