मेंढपाळ कुटुंबातील युवक युपीएससी परीक्षेत उत्तीर्ण

मेंढपाळ कुटुंबातील युवक  युपीएससी परीक्षेत उत्तीर्ण

निपाणी, ता. १५ : बेडकिहाळ येथील मेंढपाळ कुटुंबातील डॉ. हर्षल कोरे यांनी वडील म्हाळू कोरे व आई संगीता कोरे यांच्या मार्गदशनाखाली वैद्यकीय क्षेत्रात उल्लेखनीय कामगिरी करून एमबीबीएस पदवी प्राप्त केली. त्यानंतर त्यांनी पुन्हा युपीएससी परीक्षेमध्ये उत्तीर्ण होऊन बेडकिहाळच्या शैक्षणिक इतिहासात मानाचा तुरा रोवला आहे. समाजापुढे एक आदर्श निर्माण करून शिक्षणाचे महत्व दाखवू दिले आहेत. घरची परिस्थिती बिकट असताना मिळविलेले यश सर्व समाजासाठी आदर्शवत ठरले आहे.

डॉ. हर्षल कोरे यांनी बारावीनंतर एमबीबीएस शिक्षणात ३५२ रँकमिळवून राज्यात प्रथम तर देशात चतुर्थ क्रमांक पटकावला आहे. २०२१-२२ साली एमबीबीएस शिक्षण पूर्ण केले. त्यानंतर गळतगा येथील आरोग्य केंद्रात वैद्याधिकारी म्हणून एकवर्ष सेवा बजावली. युपीएससीच्या तयारीसाठी त्यांना सत्यसाई शिक्षण संस्था अळीकेचे कार्यदर्शी चंद्रशेखर भट्ट, आयपीएस अधिकारी डॉ. बेनक प्रसाद, खडकलाटचे डॉ. मंजुनाथ आवडखान, राज्य आरोग्य विभागाचे निवृत्त संचालक, आप्पय्या नरट्टी यांचे मार्गदर्शन लाभले.

.------------------